Էրդողանը կայցելի Գազա` չնայած ԱՄՆ-ի դիրքորոշմանը

Թուրքիայի վարչապետ Ռեջեփ Թայիփ Էրդողանը մայիսի 16-ին կայցելի Գազայի հատված` ԱՄՆ այցից հետո. գրում է Hurriyet-ը: Թուրքական դիվանագիտական աղբյուրը թերթին տեղեկացրել է, որ վարչապետի ծրագրերում որեւէ փոփոխություն չի նախատեսվում, թեեւ ԱՄՆ պետքարտուղար Ջոն Քերին պահանջել է հետաձգել այդ այցը:

«Քերին արդեն բարձրաձայնել էր այդ դիրքորոշումը  իր այցի ընթացքում` ապրիլի 7-ին, Էրդողանի հետ հանդիպման ժամանակ: Նրա վերջին հայտարարությունները որեւէ նոր բան չեն, ոչ էլ գաղտնիք մեզ համար: Սխալ կլիներ այդ հայտարարությունները գնահատել որպես ԱՄՆ-ի արձագանք Էրդողանի` Գազա կատարելիք այցին»,- նշել է թերթի անանուն աղբյուրը: