Աստղերը բարեգործական նպատակով վաճառքի կհանեն իրենց կոշիկները

Երգչուհիներ Մադոննան, Բրիթնի Սփիրսը, դերասանուհիներ Սառա Ջեսիկա Փարքերը եւ Մայլի Սայրուսը, բասկետբոլիստ Շակիլ Օ'Նիլը եւ ամերիկացի այլ աստղեր վաճառքի կհանեն իրենց կոշիկները Նյու Յորքի դպրոցներից մեկին գումարով ապահովելու նպատակով. տեղեկացնում է ИТАР-ТАСС-ը:

Աճուրդի կհանվեն Օ'Նիլի սեւ-կարմիր սպորտային կոշիկները, որոնց վրա բասկետբոլիստի ձեռքով գրվել է 32 թիվը, Մադոննայի լեոպարդյան նախշով երկարաճիտ կոշիկները, Փարքերը միանգամից երեք բարձրակրունկ կոշիկ կտրամադրի, որոնցով նկարահանվել է «Սեքսը մեծ քաղաքում» ֆիլմում: Հավաքածուների սիրահարներին կառաջարկվեն նաեւ Էլվիս Փրեսլիի կաշվե երկարաճիտ կոշիկները, որոնք եղել են նրա հագին լասվեգասյան համերգի ժամանակ` 1969 թվականին:

Աճուրդը կանցկացվի ապրիլի 24-ից մինչեւ մայիսի 3-ը: