Գաղտնալսել են Բուլղարիայի նախագահին

Բուլղարիայի գլխավոր դատախազ Սոտիր Ցացիրովը պարտավորվել է ստուգել բարձրաստիճան չինովնիկների և բիզնեսմենների կողմից գաղտնալսումներ կատարելու մասին տեղեկությունների իսկությունը: Հաղորդում է «Գազետա» լրատվականը:

Բուլղարիայի սոցիալիստական կուսակցության առաջնորդ Սերգեյ Ստանիշյովը հայտնել է, որ անօրինական գաղտնալսումները կատարվել են ներքին գործերի նախկին նախարար Ցվետան Ցվետանովի կողմից:

Ստանիշյովը հայտնել է, որ նախկին կառավարության անդամը գաղտնալսել է նախկին նախագահ Գերոգի Պիրվանովին, ներկայիս նախագահ Ռոսեն Պլեվնելիեվին, եվրոպական կոմիսար Կրիստիան Գեորգիեվին և այլ անձնանց:

Սակայն Ցվետանովը այս մեղադրանքներին ի պատասխան հայտարարել է, թե ասվածը սուտ է: Դատախազությունը ճշտումները պետք է անի մինչև ապրիլի 12-ը: