Երեւան-Վան չվերթը հետաձգվել է Թուրքիայի ԱԳՆ-ի նախաձեռնությամբ

Թուրքիայի արտգործնախարարությունը հանձնարարել է երկրի քաղավիացիայի գլխավոր վարչությանը անորոշ ժամանակով հետաձգել ապրիլի 3-ին նախատեսված` Երեւան-Վան չվերթը. ARMENIA Today-ին հայտնել է «Նարեկավանք տուր» ընկերության տնօրեն Աշոտ Սողոմոնյանը` նշելով, որ իրենց հարցմանն այդպես են պատասխանել Թուրքիայի քաղավիացիայի վարչությունից:

Նրա խոսքերով` չվերթը մեծ պահանջարկ է ունեցել, բացի դրանից` ստացվել էին չվերթի իրականացման համար անհրաժեշտ բոլոր փաստաթղթերը:

«Ներկա պահին գործընթացը սառեցված է, սակայն մենք լրջորեն զբաղվում ենք այդ հարցով»,- ընդգծել է Սողոմոնյանը:

Ավելի վաղ թուրքական Hurriyet թերթը, վկայակոչելով Վանի փոխնահանգապետին, գրել էր, թե թուրքական BoraJet ավիաընկերությունը  լուծարել է պայմանագիրը, քանի որ ուղեւորների թիվը շատ փոքր է եղել: