Սահակաշվիլիի լիազորությունները սահմանափակվում են

Վրաստանի խորհրդարանն այսօր առաջին ընթերցմամբ ընդունել է Սահմանադրությունում փոփոխություն անելու որոշումը. այդ փոփոխությունը վերաբերում է նախագահի լիազորությունները սահմանափակելուն:

Ինչպես հաղորդում է ИТАР-ТАСС-ը, փոփոխություն կատարելու նախագծի քննարկումը տևել է մոտ չորս ժամ, այնուհետև քվեարկության ժամանակ ներկա բոլոր 135 պատգամավորները կողմ են քվեարկել դրա ընդունմանը: Վրաստանի խորհրդարանը բաղկացած է 150 պատգամավորից: Օրինագծի ընդունման համար անհրաժեշտ է պատգամավորների 2/3-ի ձայները:

Նշվում է, որ, համաձայն այս փոփոխության, նախագահն իրավունք է ստանում ցանկացած պահի խորհրդարանը ցրելու` ընտրություններից կես տարի հետո և հաջորդ ընտրություններից կես տարի առաջ, ինչը ներկայիս օրենսդրությամբ արգելվում է: Սակայն նախագահը կորցնում է առանց խորհրդարանի համաձայնության կառավարությունը ցրելու, ինչպեսև այն անփոփոխ թողնելու իրավունքը:

Նշենք, որ դեռևս փետրվարի վերջին վարչապետ Բիձինա Իվանիշվիլին այս նախագծի վերաբերյալ համաձայնություն ստանալու առաջարկ էր արել Սահակաշվիլին, ով էլ ի պատասխան դրա որոշել էր հրաժարվել պետանվտանգության հատուկ ծառայությունից: