Սաֆարովի գործը եւ այլ քայլեր նվազեցրել են վստահությունը. Ադրբեջանի մասին զեկույց

ԵԱՀԿ Մինսկի խմբի շրջանակներում ընթացող` Ղարաբաղյան հակամարտության կարգավորման բանակցություններում որեւէ առաջընթաց չկա: Շփման գծում տեղի ունեցող միջադեպերը, Սաֆարովի գործը եւ ԼՂ-ում օդանավակայանի բացման հարցը առաջնահերթությունները շեղել են հակամարտության կարգավորման որոնումից դեպի լարվածության նվազեցման փորձեր. ասվում է Եվրոպական հարեւանության  քաղաքականության շրջանակներում Ադրբեջանի կատարած աշխատանքի վերաբերյալ զեկույցում, որն այսօր հրապարակել է Եվրահանձնաժողովը:

Նշվում է, որ այդ քայլերն ավելի են նվազեցրել վստահություն, որն անհրաժեշտ է հակամարտության կարգավորման համար: Զեկույցի համաձայն` նաեւ որեւէ քայլ չի արվում շփման գծում տեղի ունեցած միջադեպերի հետաքննության ուղղությամբ, ինչի մասին որոշում էր ընդունվել անցյալ տարվա հունվարին` Սոչիում. տեղեկացնում է APA գործակալությունը:

Փաստաթղթում ասվում է, որ Հայաստանի եւ Ադրբեջանի միջեւ Ղարաբաղյան հակամարտության կարգավորման բանակցությունները, ցավոք, դանդաղել են: Հայաստանի եւ Ադրբեջանի նախագահները չեն հանդիպել 2012 թվականի հունվարից` Սոչիի հանդիպումից հետո: