Սահակաշվիլին համաձայնել է իր լիազորությունների կրճատմանը, բայց` պայմանով

Խորհրդարանական ընդդիմությունը պատրաստ է հավանություն տալ Վրաստանի նախագահի լիազորությունների սահմանափակման սահմանադրական փոփոխություններին, եթե վարկանիշային քվեարկություն անցկացվի. լրագրողներին հայտնել է Վրաստանի նախագահ Միխեիլ Սահակաշվիլին, ով երեկ ուշ երեկոյան Ցխալտուբոյում խորհրդակցություն է անցկացրել խորհրդարանական փոքրամասնության հետ:

Ըստ նախագահի` վարկանիշային քվեարկությունն այն բանի համար է, որ պարզվի, թե քանի ձայն չի բավարարում մեծամասնությանը 100 ձայնով որոշում կայացնելու համար. տեղեկացնում է apsny.ge-ն: Ըստ օրենքի` սահմանադրական փոփոխությունն ընդունվում է 150 մարդ ցուցակային կազմի երկու երրորդ ձայներով:

Սահակաշվիլին նշել է, որ չբավարարող ձայները կտրամադրի փոքրամասնությունը: «Իմ տվյալներով` նրանց չի բավարարում 6-7 ձայն, եւ մենք պատրաստ են դրանք տրամադրել»,- հայտարարել է նա:

Սահմանադրական փոփոխության համաձայն, որը խորհրդարանը քննարկելու է մարտի 21-ից, նախագահն առանց խորհրդարանի համաձայնության չի կարող լուծարել կառավարությունը եւ ձեւավորել նորը: Սահակաշվիլին հայտարարել է, որ իրենք հավանություն կտան այդ փոփոխություն, որպեսզի «Վրաստանի իշխող քաղաքական ուժին զրկեն այն փաստարկից, թե նախագահի կողմից կառավարության լուծարման սպառնալիքն իրենց հնարավորություն չի տալիս կատարելու նախընտրական խոստումները»: