Կուստուրիցան պանկ-օպերա կներկայացնի ռուսաստանյան փառատոնում

Սերբ ռեժիսոր Էմիր Կուստուրիցան եւ No Smoking Orchestra խումբը օգոստոսին ՌԴ Կրասնոդարի երկրամասում անցկացվելիք KUBANA ռոք երաժշտության 5-րդ փառատոնում կներկայացնեն «Գնչուների ժամանակը» պանկ-օպերան: 1,5 ժամանոց բեմադրությունը, որի պրեմիերան տեղի է ունեցել Փարիզում 2007-ին, կբացի փառատոնը. տեղեկացնում է ИТАР-ТАСС-ը:

Ռեժիսորի խոսքերով` օպերայի ցուցադրությունը բաց հարթակում առաջին անգամ կլինի: Հատուկ այդ նպատակով կազմակերպիչները բեմ կկառուցեն: Սարքավորումները եւ դեկորացիաները կբերվեն Ֆրանսիայից:

Սեփական ֆիլմի հիման վրա պանկ-օպերա ստեղծելու գաղափարը Կուստուրիցայի մոտ ծնվել է 2002-ին, սակայն միայն 5 տարի անց է այն իրականություն դարձել: