Ի՞նչ իմանամ, մինչև չէթամ, չհասնեմ Օպերա... ԲՀԿ-ական պատգամավորը՝ իշխանափոխության մասին

ԱԺ ԲՀԿ խմբակցության պատգամավոր Դավիթ Քոչարյանը վաղը  կմասնակցի Ազատության հրապարակում ոչ իշխանականների կազմակերպած հանրահավաքին: Այս մասին նա ասաց Yerkir.am-ի հետ զրույցում, բայց դժվարացավ ասել՝ ԲՀԿ-ն իշխանափոխության պահանջ դնելո՞ւ է, թե՞ ոչ:

«Ես հո Նոստրադամուսը չեմ, ի՞նչ իմանամ: Մինչև չէթամ, չհասնեմ... Հլը հաշվի` 70 կիլոմետր պիտի գամ մինչև Օպերա, մինչև տեղավորվենք... Կարող ա սոված լինենք... Հլը սպասեք, գանք, տեղավորվենք, տեղում կասենք, էլի»,- ասաց նա:

Մեր` քաղաքական բնույթի այլ հարցերին պատգամավորը խուսափեց պատասխանել` ասելով, որ հոգեհանգստի արարողության պիտի մասնակցի, հետո ավելացրեց. «Մեր մեռելը մնաց անտեր, լուրջ եմ ասում»:

Հիշեցնենք, որ իշխանափոխության մասին հարցը լսելով շատ ԲՀԿ-ականներ «զբաղված» են դառնում, իսկ ԲՀԿ-ական պատգամավոր Գրիգորի Մարգարյանը փորձեց հանգստացնել բոլորին, հայտարարելով, թե մեզ թվացել է, որ ԲՀԿ-ն իշխանափոխություն է պահանջում: