ՀՀԿ-ն ընտրություններից հետո Ազատության հրապարակում հանրահավա՞ք է անելու

ՀՀ նախագահի մի քանի թեկնածուներ այսօր եւ վաղը պատրաստվում են անցկացնել իրենց ամփոփիչ հավաքները. գրում է «Հայկական ժամանակը»: Սերժ Սարգսյանի ամփոփիչ հավաքը տեղի կունենա այսօր Մարզահամերգային համալիրում:

Երեկ թերթի թղթակցի հարցին, թե` ինչո՞ւ բացօթյա հանրահավաք չեն անում, ՀՀԿ շտաբից պատասխանել են, որ նախապես հաշվի են առնվել եղանակային պայմանները, նաեւ մի շարք այլ գործոններ եւ նախապատվությունը տվել են այս ձեւաչափին:

«Կարծում ենք` ընդգրկվածության առումով ՄՀՀ-ն եւս ներկայանալի է»,- ասել են Սերժ Սարգսյանի նախընտրական շտաբից եւ հավելել, որ մասնակիցները լինելու են միայն Երեւանից:

Ի դեպ, նշում է թերթը, Երեւանի քաղաքապետարանի պաշտոնական կայքից տեղեկացել է, որ ՀՀԿ կազմակերպչական հանձնաժողովի նախագահ Ռուբեն Թադեւոսյանը 13.02.2013 թ.-ին դիմել է քաղաքապետարան` փետրվարի 21-ին, ժամը 14.00-21.00 Ազատության հրապարակում հավաք անցկացնելու վերաբերյալ:

«ՀԺ»-ն գրում է, որ իրազեկումն ընդունվել է ի գիտություն: