Իմ մասնակցությունն այս մրցաշարին արդեն հաղթանակ էր. Նադալ

Իսպանացի թենիսիստ Ռաֆայել Նադալը, ով վերականգնվում է ոտքի վնասվածքից, մասնակցեց առաջին մրցաշարին և հասավ մինչև եզրափակիչ:

Կիսաեզրափակիչում նախկին ուժեղագույն թենիսիստը վստահ հաղթանակ տարավ ֆրանսիացի Ժերեմի Շարդինի նկատմամբ` 6/2, 6/2:

Եզրափակիչում Ռաֆայել Նադալը հանդիպեց արգենտինացի  Օրասիոս Սեբելիոսի հետ, սա նրանց երկրորդ հանդիպումն էր: Առաջինն ավարտվել էր Նադալի օգտին: 2 ժամ 47 րոպե տևած խաղում Ռաֆայել Նադալը զիջեց Սեբելիոսին` 7/6 (2:7), 6/7 (8:6), 6/4: Արգենտինացու համար սա առաջին նվաճումն էր: 

«Այս շաբաթը, վերջին ժամանակների լավագույն շաբաթն էր ինձ համար: Վաղուց նման զգացողություններ չէի ունեցել: Այսքանից հետո, որևէ մրցաշարին մասնակցելն ինձ համար  արդեն հաղթանակ է», - Նադալի խոսքերն է մեջբերում  РИА Новости-ն: