Թունիսը մեղադրում է Ֆրանսիային

Թունիսի վարչապետ Համադի Ջեբալը վերջնաժամկետ է ներկայացրել, համաձայն որի` եթե մինչեւ շաբաթվա վերջ խորհրդարանականները չհամաձայնվեն «տեխնոկրատ» նախարարներ նշանակելու՝ իր առաջարկի հետ, ինքը հրաժարական կտա. հայտնում է Euronews-ը:

Մինչ այդ երկրում շարունակվում են բողոքի ակցիաները: Ցույցի են դուրս եկել արդեն իշխող «Ան Նահդա» իսլամական կուսակցության համախոհները:

Հատկանշական է, որ ընդդիմադիր քաղաքական գործիչ Չոկրի Բելաիդի սպանության համար, որն էլ Թունիսում ցույցերի պատճառ է դարձել, նրանք առաջ են քաշում մեկ այլ վարկած: Ցուցարարները պնդում են, որ սպանության հետեւում կանգնած է Փարիզը` դա պատճառաբանելով Ֆրանսիայի ԱԳ նախարար Մանուել Վալսի այն հայտարարությամբ, թե սպանությունը հեղափոխության արգասիքն է:

Իշխանամետները կարծում են, որ նախկին` Բեն Ալիի վարչակազմը ենթարկվում էր Ֆրանսիային, իսկ այժմ նրանք փորձում իրենց ենթարկեցնել Թունիսի ներկայիս իշխանություններին: