Պուլսը` նորմալ, ճնշումը` տիեզերագնացի

ՀՀ նախագահի թեկնածու` հացադուլ հայտարարած Անդրիաս Ղուկասյանի անվտանգության պատասխանատվությունը ոստիկանությունն իր վրա է վերցրել: Այն պահին, երբ yerkir.am-ն այցելել էր Ղուկասյանին (14:30), բժիշկներ դեռ չէին եկել (երեկվանից):

Ղուկասյանը նշեց, որ ինքը նույնպես չի դիմել բժիշկներին: Սակայն շտապօգնության ծառայության բուժգծով տեղեկալ Նունե Ժամկոչյանը yerkir.am-ի հետ զրույցում նշեց, որ այսօր բժիշկերն այցելել են Ղուկասյանին. նրան սպասարկել է 01 բրիգադը:

«Ճնշումը նորմալ էր, պուլսը` նույնպես, այսինքն` ամեն ինչ նորմալ է: Այսուհետ Ղուկասյանը գտնվելու է բժիշկների հսկողության տակ. ամեն օր այցելելու են նրան»,- ասաց Ժամկոչյանը: