''Ժառանգության'' համագումարը մեկնարկում է

Քիչ անց «Արմենիա Մարիոթ» հյուրանոցում կմեկնարկի «Ժառանգություն» կուսակցության 9-րդ համագումարը: Այն  տարբերվում է դասական համագումարներից իր ձևաչափով` մուտքն ազատ է բոլոր քաղաքացիների համար: Ներկաներին նստատեղեր հատկացված չեն:

Հովհաննիսյանին սատարելու է եկել նաև Գարեգին Նժդեհի եղբոր դուստրը` Էմմա Սահակյանը: Նա Yerkir.am-ի թղթակցի հետ զրույցում նշեց, որ մեծ սպասելիքներ ունի «Ժառանգության» առաջնորդից և հավատում է, որ, առաջադրելով իր թեկնածությունը, նա  կարող է փոխել ամեն բան:

Քաղաքացիներին բաժանվել են Րաֆֆի Հովհաննիսյանի նկարով օրացույցներ, որտեղ հատուկ առանձնացված  է փետրվարի 18-ը և նշված` «Մեկ անգամ: Միասին»: Կուսակցության կարգախոսն է` «Ազատ, անկախ, միացյալ»:  

Արտո Թունջբոյաջյանի «Արարատ» երգի ներքո  հավաքվածները սպասում են Րաֆֆի Հովհաննիսյանի ելույթին: