Անօթեւան վանեցիները կարտագաղթեն

Վանում տեղի ունեցած ավերիչ երկրաշարժի արդյունքում անօթեւան դարձածներին հիմա էլ սրտահարություն է սպառնում` ձյան առատ տեղումներ եւ ջերմաստիճանի կտրուկ նվազում:

«Եղանակը շատ է ցրտում, եւ մենք չգիտենք` ինչ անել: Պատկան մարմինները մեզ օգնում են, բայց մենք անզոր ենք դիմանալ ցրտին: Ջերմաստիճանը սկսել է նվազել, եւ մենք այստեղ մնալ այլեւս չենք կարող, մտածում ենք արտագաղթել»,-  CNNturk-ի թղթակցին ասել են վանեցիները:

Օդերեւութաբանները Վանի բնակչությանը մխիթարել չեն կարող. առաջիկա օրերին ջերմաստիճանն ավելի կնվազի` իջնելով 0 աստիճանից, իսկ ձյան տեղումները կշարունակվեն:

Այս գիշեր Վանում -6 աստիճան է լինելու: