Ներքին գործերի հարցերում վատ "կոնսուլտանտ" է

«Ղարաբաղ» կոմիտեի անդամ, ներքին գործերի նախկին նախարար Աշոտ Մանուչարյանը «ներքին գործերի հարցերում» իրեն վատ «կոմսուլտանտ» է համարում: Այսօր լրագրողների հետ հանդիպման ժամանակ նա այսպես պատասխանեց yerkir.am-ի հարցին` թե ինչպե՞ս կմեկնաբանի ոստիկանական համակարգում վերջին օրերին տեղի ունեցած կադրային փոփոխությունները:

«Ես ներքին գործերի նախարար դարձել եմ այն պայմաններում, երբ ներքին գործերի համակարգը կազմաքանդված էր, երկիրն էլ պատերազմի էր պատրաստվում: Այդ պաշտոնում ես ապահովել եմ ներքին գործերի համակարգի քաղաքական տանիքը»,- պարզաբանեց Մանուչարյանը` հավելելով, որ չի կարող մեկնաբանել ոստիկանապետ Վլադիմիր Գասպարյանի քայլերը եւ ասել, թե դրանք ինչի կհանգեցնեն: