Ցուցահանդես` նվիրված կենդանիներին

Երևանի պատմության թանգարանում բացվել է կենդանաբանական այգու 70-ամյակին նվիրված լուսանկարների ցուցահանդես:

«Ցուցահանդեսում ներկայացվող լուսանկարները բաժանված են 2 մասի` հին և նոր»,- yerkir.am-ին ասաց պատմության թանգարանի աշխատակից Նատա Ավետիսյանը` հավելելով, որ ներկայացվելու են նաեւ նախապես հայտարարված` Կենդանաբանական այգու կենդանիների լուսանկարների մրցույթին մասնակցած լավագույն լուսանկարները:

Ցուցադրությունից բացի, լինելու է նաև մրցույթ: «Ցուցահանդեսի բոլոր օրերին այցելուները տեղում կարող են քվեարկել իրենց նախընտրած լուսանկարի օգտին: Մրցույթի հաղթողին որոշելու է ժյուրին, սակայն այցելուները ևս իրենց կարծիքն արտահայտելու իրավունք կունենան»,- ասաց Ավետիսյանը:

Լուսանկարների ցուցադրությունը կտևի մինչև հոկտեմբերի 21-ը: