Խաչիկ Հարությունյանը ՀԱԿ-ից գլուխ չի հանում

Պարզվում է` իշխանության համար շատ դժվար է եղել ՀԱԿ-ի հետ աշխատել երկխոսության շրջանակներում կազմակերպված հանդիպումների ժամանակ: Համենայն դեպս,  «Երկիր»-ի հարցին նման պատասխան տվեց ԱԺ ՕԵԿ խմբակցության պատգամավոր Խաչիկ Հարությունյանը:

Անդրադառնալով ՀԱԿ-ի կողմից արտահերթ նախագահական ընտրությունների պահանջը Սերժ Սարգսյանի հրաժարականի պահանջով փոխարինելուն` Հարությունյանը նշեց, որ այս հարցին մեկնաբանություն տալը եւս դժվար է:

ՕԵԿ-ական պատգամավորը նկատեց, որ ՀԱԿ-ի դիրքորոշումներն ամիսը մեկ փոխվում են, եւ եթե հիմա մեկնաբանություն տա մեր հարցին, շատ հավանական է, որ, ասենք, մեկ ամիս անց ՀԱԿ-ն ուրիշ բան սկսի պահանջել: Որակելով ՀԱԿ-ի քաղաքականությունն անհասկանալի` Հարությունյանը վստահեցրեց, որ իսկապես դժվարանում է որեւէ հստակ բան ասել: