Բաքվի երաշխավորագիրը

Ադրբեջանի վարչապետ Արթուր Ռասիզադեն նամակ է ուղարկել Եվրոպական հեռարձակման միությանը`  2012 թվականի մայիսին Բաքվում «Եվրատեսիլ» երաժշտական մրցույթի անցկացման առնչությամբ. տեղեկացնում է ադրբեջանական ANS PRESS լրատվական գործակալությունը:

«Ադրբեջանը գիտակցում է, որ «Եվրատեսիլ 2012» մրցույթի կազմակերպումը մեծ պատասխանատվություն է և պատրաստ է դրա համար անել ամեն անհրաժեշտ բան»,- ասված է վարչապետ Ռասիզադեի պաշտոնական նամակում:

Տեղեկատվության համաձայն` վարչապետն իր երկրի իշխանությունների անունից երաշխավորել է «Եվրատեսիլ 2012» երգի մրցույթի հյուրերի անվտանգությունը եւ տեղեկացրել, որ նրանց համար պարզեցվելու է անցագրային ռեժիմը: