Կյանքից հեռացել է Ժիրայր Ավետիսյանը

84 տարեկան հասակում կյանքից հեռացել է հայ կինոռեժիսոր, ՀՀ արվեստի վաստակավոր գործիչ, հայկական հեռուստատեսության հիմնադիր Ժիրայր Ավետիսյանը:

Ժիրայր Ավետիսյանը ծնվել էր 1927 թվականի հոկտեմբերի 22-ին Էջմիածին քաղաքում: Հայկական հեռուսատատեսության առաջին եթերի կարմիր կոճակը հենց Ժ. Ավետիսյանն է սեղմել:

Առաջին հայկական հեռուստաֆիլմը, առաջին խաղարկային ֆիլմը, առաջին լիամետրաժ ֆիլմը ու էլի տասնյակ ֆիլմեր, հարյուրավոր հաղորդումներ ու բեմադրություններ նկարահանել է ռեժիսոր Ավետիսյանը:

Ժիրայր Ավետիսյանը 36 փաստագրական եւ գեղարվեստական ֆիլմերի հեղինակ է, որոնցից կարելի է առանձնացնել «Ձորի Միրոն», «Շրթներկ համար չորս» կատակերգությունը, «Պոեմ հերոսական» ֆիլմ բալլադը: