Բան էիր ասում` մինչեւ վերջ ասեիր

Պարզվում է, որ բաշկիր ճանաչված մի գրող այնքան է հետաքրքրված Հայաստանով, որ անգամ գրել է մեր պատմությունը` այն ամփոփելով 3 հատորում. առաջին հատորն արդեն լույս է տեսել:

«Գրողը մեկ անգամ եղել է Հայաստանում եւ էլի է գալու Հայաստան»,- մեզ հայտնեց ՀՀ-ում ՌԴ դեսպանի խորհրդական Վիկտոր Կրիվոպուսկովը: Գրողի անունը, սակայն, չկարողացավ մտաբերել:

Եթե Կրիվոպուսկովը չի հիշում, ապա Հայաստանում անգամ տեղյակ չեն: Բաշկիր գրողի ով լինելու հարցը պարզելու համար ԿԳ նախարարությունը մեզ առաջարկեց զրուցել մշակույթի նախարարության հետ, իսկ այնտեղից մեզ հետ ուղարկեցին ԿԳՆ:

«Բաշկիր գրո՞ղ... Տեղյակ չենք, չունենք ինֆորմացիա, իսկ Կրիվոպուսկովը չասա՞ց, թե ով է նա»,- ասացին նախարարություններում` «մեղքը բարդելով» Կրիվոպուսկովի հիշողության վրա:

Հուսանք, որ 2012-ին Գրքի միջազգային մայրաքաղաք Երեւանը իսկապես այդպիսին կլինի` ճանաչելով  Հայաստանի մասին գրողներին: