12-հատորյակը համալրվեց

Մայր Աթոռ Սուրբ Էջմիածնի հրատարակչական բաժինը, Ն.Ս.Օ.Տ.Տ. Գարեգին Բ Ծայրագույն պատրիարք և Ամենայն Հայոց կաթողիկոսի օրհնությամբ, հրատարակել է «Համաբարբառ Յայսմաւուրք նախածերենցյան 6 խմբագրությունների» հունիս, հուլիս և նոյեմբեր ամիսների հատորները:

Ինչպես տեղեկացնում են Սբ. Էջմիածնի մամլո դիվանից, այս հատորների լույս ընծայմամբ համալրվել է «Յայսմաւուրք» ժողովածուի 12-հատորյա շարքը:

«Յայսմաւուրք» ժողովածուն Հայ եկեղեցու ծիսական գրքերից մեկն է: Այն պարունակում է նահատակված կամ ննջած սրբերի համառոտ վկայաբանություններն ու վարքերը, ինչպես նաև տերունական տոների մասին հոդվածներ, նախատեսված է ամենօրյա ընթերցումների համար եկեղեցում ժամերգություններից առաջ կամ հետո:

Հատորները տպագրվել են Մայր Աթոռի բարերար Սարգիս Պետոյանի մեկենասությամբ: