Սենսացիայի ծարավը

Կանադա-իսրայելական ռեժիսոր Սիմհա Յակուբովիչը դրամատիկ մամուլի ասուլիս է հրավիրել Թել Ավիվում եւ հայտարարել, որ հայտնաբերվել են «Քրիստոսի խաչելության մեխերը»:

Ռեժիսորը պնդում է, որ մեխերը գտել են Երուսաղեմի քարանձավներից մեկում, որտեղ թաղված է Հիսուսի դատավարության ժամանակ նախագահած Կաիֆան: Նա, իհարկե, ընդունում է, որ չի կարող հարյուր տոկոսով հավաստել, որ դրանք հենց այն մեխերն են, սակայն, ըստ նրա, «յուրաքնաչյուր բանական մարդ կարող է երկուսը բազմապատկել երկուսով»:

Իսրայելի հնությունների վարչության մասնագետները կասկածանքով են ընդունել Յակուբովիչի հայտարարությունը` նշելով, որ տվյալ դարաշրջանին վերաբերող պեղումների ժամանակ սովորաբար նման գտածոներ լինում են: Հնագետների կարծիքով` Յակուբովիչի նպատակը սենսացիան է. տեղեկացնում է mignews.com-ը: