Ոտքերով խաչեր եմ դնում, գնում եմ, գնում...

«Ես տեսա ինչ-որ փայլուն ճերմակ մարմին, որը կանգնած էր 2 ոտքերի վրա: Սկզբում մտածեցի, թե ինձ թվում է այդ ամենը»,- պատմել է Քրիստին Ուիլտոնը, ով Նոր Զելանդիայի ափին տեսել էր մոլորված կայսերական պինգվինի:

Ինչպես տեղեկացնում է BBC-ն, կայսերական պինգվինը, որ հայտնվել էր Նոր Զելանդիայի ափին` հայրենի Անտարկտիդայից հազարավոր կիլոմետրեր հեռու, գիտահետազոտական նավով վերադարձել է հայրենիք:

Մոլորված թռչունին մի քանի անգամ վիրահատել են` օրգանիզմից հանելով այն ամբողջ ավազը, որը նա կերել էր ձյան փոխարեն: Պինգվինի վերջնական վերականգնման համար պահանջվել է երկու ամիս: Նա 10 ամսական էր, հասակը` 80 սմ:

Սա առաջին դեպքը չէ, երբ կայսերական պինգվինն ինքնուրույն կտրել է հազարավոր կիլոմետրեր. վերջին անգամ Նոր Զելանդիայում պինգվին հայտնվել է 44 տարի առաջ: