ՀԱՅԱՑՔ. Տարօրինակ մեղադրանքով "օրենքով գող" են ձերբակալել

Մոսկվայում ձերբակալվել է հայտնի գող Դեդ Հասանի սանը` Սերգեյ Ասատրյանը, որը քրեական շրջանակներում հայտնի է «Սերյոժա Ասետրինա» մականունով: Ս. Ասատրյանը ձերբակալվել է հուլիսի 23-ին:

Ազդեցիկ «օրենքով գողը» մեղադրվում է Ռոստովի մարզում ուղղիչ աշխատանքային հիմնարկները կազմալուծելու համար:

Աղբյուրը հայտնում է, որ Սերգեյը հայ «օրենքով գող» Էդիկ Թբիլիսկիի որդին է, որն «օրենքով գող» է կարգվել Յապոնչիկի եւ Դեդ Հասանի կողմից դեռեւս 2008-ի նոյեմբերին: Նրա հայրը, որ պակաս ազդեցիկ «գող» չէ, վերոհիշյալ անձանց մերձավորներից է:

24-ամյա Ասատրյանն առաջին անգամ ձերբակալվել էր նախորդ տարվա օգոստոսի 5-ին. անձնական հետախուզման ժամանակ նրա մոտ թմրանյութ էին հայտնաբերել: