|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Այսօր` ժամը 01:45-ի սահմաններում, Արաբկիրի ոստիկանություն ահազանգ է հնչել թիվ 1 համալսարանական հիվանդանոցից, որ վիրավոր վիճակում իրենց մոտ է տեղափոխվել մի քաղաքացի:
Ինչպես Yerkir.am-ին հայտնել է ֆոտոլրագրող Գագիկ Շամշյանը, վիրավորը հիվանդանոց է տեղափոխվել Կասկադին հարող «Մոկա» սրճարանի տարածքից:
Պարզվել է, որ ժամը 01:00-ի սահմաններում, սրճարանի տարածքում տեղի ունեցած վիճաբանության ժամանակ 31-ամյա Տիգրան Նիկողոսյանն իր մոտ եղած դանակով հարվածել է «Մոկա» սրճարանի տիրոջ` 60-ամյա Նուբար Ջիվանյանի որովայնին եւ ձախ ձեռքի նախաբազկին` պատճառելով մարմնական վնասվածքներ:
Ոստիկանության քննչական գլխավոր վարչության Արաբկիրի քննչական բաժնում հարուցվել է քրեական գործ, իսկ հանցագործության գործիք հանդիսացող դանակն առգրավվել է եւ ուղարկվել ոստիկանության փորձաքրեագիտական վարչություն:
Նուբար Ջիվանյանը լիբանանահայ գործարար է, նա ընտանիքով ապրում է Հայաստանում և զբաղվում է ռեստորանային բիզնեսով:
| |