Օգտագործված ձեթը` ավիավառելանյութ

Նիդերլանդական KLM ավիաընկերությունը պատրաստվում է օգտագործված խոհանոցային բուսական յուղն օգտագործել որպես վառելանյութ: Մասնավորապես` այս տարվա սեպտեմբերին ընկերությունը նախատեսում է Ամստերդամ-Փարիզ եւ հակառակը 200 չվերթ կազմակերպել` որպես վառելիք կիրառելով «բիոկերոսինը»` 50 տոկոս արեւածաղկի ձեթ եւ 50 տոկոս կերոսին:

KLM-ն նման քայլի է գնում` հիմք ընդունելով Եվրամիության որոշումը, ըստ որի` մինչեւ 2012 թվականը Եվրոպայում չվերթեր իրականացնող ինքնաթիռներից արտանետումները պետք է կրճատվեն 3 տոկոսով. տեղեկացնում է ТСН-ն:

Ավիաընկերությունը հայտարարել է, որ նոր վառելանյութը հավաքվել է տարբեր հյուրանոցներից, ռեստորաններից եւ ֆաբրիկաներից, ապա մշակվել է ԱՄՆ-ում:

Սակայն որպեսզի ձեթով աշխատող ինքնաթիռները օդ բարձրանան, KLM-ն պետք է հատուկ թույլտվություն ստանա: