Պետք է ճանաչել ԼՂՀ-ի ձեւավորման օրինականությունը

Հայաստանի Դեմոկրատական կուսակցության նախագահ Արամ Սարգսյանն այսօր հրավիրված մամուլի ասուլիսում անդրադարձել է ԼՂ հակամարտության կարգավորման գործընթացին: Նա նշել է, որ Կազանը պետք է լինի այս բանակցային փուլի ավարտը, որովհետեւ, եթե այսքանից հետո կողմերը չեն կարողանալու գալ համաձայնության, (իսկ նրանք չեն գա համաձայնության մի պարզ պատճառով, որ երկու բեւեռացված դիրքորոշումներ կան ԼՂՀ-ի կարգավիճակի վերաբերյալ), ուստի քաղաքական դաշտում հարցի լուծում փնտրելն անհնար է:

«Մենք կողմնակից ենք, որպեսզի այս քննարկումներն ու բանակցային գործընթացը տեղափոխվեն իրավական դաշտ, եւ որպեսզի մենք նախադրյալ ստեղծենք իրավական դաշտի համար, անհրաժեշտ ենք համարում, որ Հայաստանի խորհրդարանը ճանաչի ԼՂՀ-ի ձեւավորման օրինականությունը»,- նշել է Դեմկուսի ղեկավարը` հավելելով, որ այնուհետեւ ԼՂ-ի ժողովուրդը պետք է որոշի`մնում է որպես անկախ պետությո՞ւն, թե՞ միանում է Հայաստանին: