Հնադարյան հանելուկ

Հնէաբաններին արդեն երկար ժամանակ հանգիստ չեն տալիս բրոնզեդարյան հանրահայտ կիկլադյան արձանիկները, որոնցից առաջինները հայտնաբերվել են 1963 թվականին հունական Կերոս անմարդաբնակ կղզում, որն ընդամենը 15 քառակուսի մետր տարածք է զբաղեցնում:

Արդեն մի քանի հազար արձանիկ է հայտնաբերվել, բոլորը` կոտրված: Ընդ որում` գիտնականների` կտորներից  ամբողջական արձանիկներ հավաքելու փորձերն ապարդյուն են անցել, թեեւ այդ աշխատանքն իրականացրել են նաեւ համակարգչով. ոչ մի կտորը մյուսի հետ չի համընկնում:

Ներկայումս մի վարկած է առաջ քաշվում. արձանիկները հատուկ են կոտրվել եւ թաղվել Կերոսում, հավանորեն դա ինչ-որ ծես է եղել` կապված անդրշիրիմյան կյանքի հետ:

Մեկ այլ վարկածով` արձանիկները կենցաղային նշանակություն են ունեցել: Երբ կոտրվել են, ըստ տեղական սովորության` չի թույլատրվել դեն նետել, այդ պատճառով էլ թաղել են կղզում:

Համենյան դեպս, գիտնականները խոստովանում են, որ Կերոսի հանելուկը դեռ չի լուծված: