Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
ԱՄՆ Միջազգային զարգացման գործակալությունը այս տարի Հայաստանին կտրամադրի 27 մլն դոլարի օժանդակություն` ուղղված աղքատության կրճատմանը, օրենքի գերիշխանության իրագործմանը, առողջապահական ծառայությունների եւ սոցիալական նպաստների հասանելիությանը, ինչպես նաեւ մասնավոր հատվածի եւ ենթակառուցվածքի հզորացմանը: Այդ մասին ասված է գործակալության տարածած հաղորդագրությունում:
Հաղորդագրության համաձայն` ապրիլի 30-ին քառօրյա աշխատանքային այցով Հայաստան է ժամանել գործակալության Եվրոպայի եւ Եվրասիայի հարցերով փոխտնօրենի ավագ տեղակալ Ռոբերտա Մահոնին, ով հանդիպել է կառավարության, մասնավոր հատվածի, գործընկեր կազմակերպությունների եւ սփյուռքի ներկայացուցիչների հետ:
Կողմերը քննարկել են Հայաստան-ԱՄՆ երկկողմ հարաբերություններն ու ԱՄՆ-ի օժանդակության ծրագրերը ժողովրդավարության, տնտեսական աճի, առողջապահական ու սոցիալական բարեփոխումների բնագավառներում, ինչպես նաեւ Հայաստանի զարգացման մարտահրավերները: