Կլիմաքս

Այսօր ԿԲ նախագահ Արթուր Ջավադյանը  լրագրողների հետ հանդիպման ժամանակ գնաճի զսպման ուղղությամբ ԿԲ-ի վարած քաղաքականությունը քննադատողներին որակել է որպես «պրոֆեսիոնալ կլիմաքս ապրող մասնագետներ»:

«Ես անթույլատրելի եմ համարում, երբ այդ պրոֆեսիոնալ կլիմաքս ապրող մասնագետները փորձում են ոչ պարկեշտ արտահայտություններ հնչեցնել Կենտրոնական բանկի աշխատակիցների հասցեին»,- ասել է ԿԲ նախագահը՝  հավելելով. «Նման արտահայտություններ անելը կոռեկտ չէ, և այդ մարդը պետք է ներողություն խնդրի, հակառակ դեպքում պատրաստ ենք անգամ դատարան դիմել»:

Արթուր Ջավադյանн նաև հավաստիացրել է, որ ԿԲ-ն կառավարության հետ համատեղ միջոցառումներ է իրականացնում գնաճի մակարդակը կրկնակի նվազեցնելու ուղղությամբ: Նրա խոսքերով՝ Կենտրոնական բանկն ունի գնաճի զսպման իր մեխանիզմները՝ «ավանդական ու ոչ ավանդական գործիքները», որոնք կիրառվում են հազվադեպ, բայց որոնց օգտագործման դեպքում իրենք կկարողանան ազդել գնաճի վրա:

Հիշեցնենք, որ ԿԲ հասցեին  նախօրեին քննադատություններ էր հնչեցրել էր ՀՀ նախկին վարչապետ, ՀԱԿ անդամ Հրանտ Բագրատյանը: