Թամարա Պողոսյանն ակնկալիքներ չունի

«Մեկ ազգ,  մեկ մշակույթ» հիմնադրամի գործադիր տնօրեն Թամարա Պողոսյանն այսօր մամուլի ասուլիսում պաշտոնապես հայտարարեց իր հրաժարականի մասին:

Ինչպես հայտնի է, խնդիրը կապված էր հոգաբարձուների խորհրդի նախագահ, ՀՀ սփյուռքի նախարար Հրանուշ Հակոբյանի հետ հակամարտոթյանը: Բանախոսը նշեց, որ  ինքը հրաժարվել էր կոռուպցիոն ռիսկեր պարունակող հանձնարարականներ կատարել, և իր ու սփյուռքի նախարարի միջև այդ տարաձայնությունից հետո ուղիղ քննարկում չի եղել: Նաև հավելեց, որ աշխատավարձի ֆոնդից հիմնադրամին զրկել են, և մի քանի ամիս անձնակազմը չի վարձատրվել, այնինչ` իրականում  հիմնադրամը դեռ լուծարված չէ:

«Արեցի այն, ինչ կարող էի, պայքարեցի որքան կարող էի»,- հայտարարեց Թ. Պողոսյանը:

Հարցին, թե վարչապետի կողմից հրաժարականի ընդունման դեպքում ինչպիսի՞ն է լինելու իր հետագա  գործունեությունը, նա պատասխանեց. «3 տարի է` արձակուրդ չեմ գնացել, նախևառաջ կհանգստանամ, այնուհետև, ինքս ինձ համար կպարզեմ վիճակը»: