Սիրիայի դեմ ծրագիր են մշակել

Մեծ Բրիտանիան մի շարք այլ երկրների հետ համատեղ մշակել է Սիրիայի դեմ գործողությունների հետագա ծրագիր, եթե երկրում չդադարեն զանգվածային անկարգություններն ու սպանությունները:

«Մենք եւ ՄԱԿ-ի Անվտանգության խորհրդի մեր գործընկերները հստակ ազդանշան ենք ուղարկում Սիրիայի իշխանություններին, որ միջազգային հանրության ողջ ուշադրությունը սեւեռված է նրանց գործողություններին: Մենք նաեւ քննարկել ենք Եվրամիության եւ տարածաշրջանային մեր գործընկերների հետ հնարավոր միջոցառումները»,- ասել է Մեծ Բրիտանիայի արտգործնախարար Ուիլյամ Հեյգը:

Նա կոչ է արել Սիրիայի իշխանություններին հարգել ժողովրդի իրավունքները, իրականացնել խոստացած բարեփոխումները, դադարեցնել «դաժան բռնությունները»: «Ցուցարարները պետք է պաշտպանված լինեն, այլ ոչ թե հարձակումների ենթարկվեն: Ինչ-որ մեկը պետք է պատասխան տա զոհերի համար»,- հավելել է Հեյգը: