Վերստին խնդրում եմ Լափշինի համաձայնությունը՝ հրապարակելու մեր խոսակցությունը. Ն. Հոխիկյանը կրկին դիմել է հրեա բլոգերին

Լրագրող, մեդիափորձագետ Նաիրի Հոխիկյանը վերստին դիմել է հրեա բլոգեր Ալեքսանդր Լափշինին։

Հիշեցնենք՝ Նաիրի Հոխիկյանը ՀՅԴ «Նիկոլ Աղբալյան» ուսանողական միության նախաձեռնած բաց-դասընթաց քննարկման ժամանակ անդրադարձել էր նաև արցախյան վերջին պատերազմին՝  ցնցող փաստեր ներկայացնելով  պատերազմի՝ Նիկոլ Փաշինյանի վարչախմբի կողմից վաղօրոք պլանավորած լինելու, Արցախի շրջանների, բերդաքաղաք Շուշիի դավաճանական հանձնման և այլնի մասին: Նշված փաստերի հրապարակման ընթացքում ներկայացրել էր նաև հրեա բլոգեր Ալ. Լափշինի և Նիկոլ Փաշինյանի նախկին մամուլի խոսնակ Վլադիմիր Կարապետյանի մասնակցությամբ կարևոր խոսակցություն, ինչին այսօր արձագանքել էր Ալ. Լափշինը՝ մասամբ ժխտելով Ն. Հոխիկյանին:

Ի պատասխան Լափշինի՝ Հոխիկյանն առաջարկել է հրապարակել իրենց միջև եղած խոսակցությունները։ Այսօր Նաիրի Հոխիկյանը վերստին դիմել է հրեա բլոգերին՝ վերահաստատելով իր առաջարկը.

Հերթական անգամ հրապարակային առաջարկ եմ անում' որպեսզի պարզվի, թե ինչ է եղել իրականում և ինչու է ինֆորմացիան այսքան ուշ լույս աշխարհ գալիս, հրապարակային խնդրում եմ Լապշինի համաձայնությունը' հանրությանը ցույց տալու մեր այն խոսակցությունը, ինչը վերաբերում է ՀՀ իշխանության գործողությունների, նրանց հետ քննարկումների, տեղեկությունների ու վախերի, վտանգների մասին։