Քադաֆիին ճանապարհային քարտեզ են առաջարկել

Լիբիայի առաջնորդ Մուամար Քադաֆիի հնարավոր հրաժարականի հարցը քննարկվել է երեկ` Աֆրիկյան միության եւ Լիբիայի ղեկավարության բանակցությունների ընթացքում. տեղեկացնում է The Associated Press գործակալությունը:

Հակամարտության կարգավորման հարցով ճանապարհային քարտեզ է առաջարկվել Քադաֆիին, որում առաջարկվում է անհապաղ դադարեցնել կրակը, ազգային երկխոսություն սկսել, պաշտպանել երկրի տարածքում օտարերկրացիների անվտանգությունը եւ հումանիտար օգնություն ցուցաբերել կարիքավորներին:

ԱՄ պատվիրակությունը Լիբիայի մայրաքաղաք Տրիպոլի է ժամանել երեկ, ՆԱՏՕ-ն համաձայնություն է տվել Աֆրոմիության ներկայացուցիչների ժամանմանը: Օդանավակայանում նրանց դիմավորել են Քադաֆիի հարյուրավոր կողմնակիցներ` Ջամահիրիայի կանաչ դրոշներով: