Երբ ուժը մտածում է

Ո՞վ է ամենաուժեղն ու ամենամտածողը: Արդեն երկրորդ անգամ Երիտասարդ առաջնորդների դպրոցի սաները, որոնց կարգախոսն է «Երբ ուժը մտածում է», պայքարում էին հաղթողի կոչման համար այսօր տեղի ունեցած շախմատի առաջնության ժամանակ:

Մրցույթին, որն անցկացվում էր Շախմատի տանը, մասնակցում էր քսանհինգ երիտասարդ: Հաղթողներն ու լավագույնները պատվոգրեր եւ մրցանակներ ստացան:

Շախմատի առաջնությունը կազմակերպում է ԵԱԴ Սպորտային ակումբը, որի նպատակը երիտասարդության շրջանում առողջ ապրելակերպի գաղափարը տարածելն է:  

Ինչպես նշեց ակումբի համահիմնադիր Համլետ Թադեւոսյանը, արդեն ձեւավորվել է ԵԱԴ շախմատի հավաքականը, որը տարբեր մրցումների է մասնակցել եւ հաջողություններ ունեցել:

Մինչ շախմատի առաջնությունները, ակումբը ձեւավորել է ֆուտբոլային թիմ, որը հանդիպումներ է ունենում հայաստանյան այլ սիրողական թիմերի հետ: