Բանակի մարտունակության գրավականը

Կարգապահական մեկուսարանի փոխարինումը կարգապահական վաշտով իսկական չարիք է հայկական բանակի համար. ՀՀ զինված ուժերի կարգապահական կանոնագրքի մասին օրինագծի քննարկման ժամանակ հայտարարեց ԱԺ ՀՅԴ խմբակցության պատգամավոր, պաշտպանության նախկին փոխնախարար Արթուր Աղաբեկյանը:

Նա համոզված է`  որքան խիստ են լինում կարգապահական կանոնադրությամբ նախատեսված տույժերը, այնքան բանակի հրամանատարները խուսափում են զինծառայողների հետ ոչ կանոնադրական պահվածքից:

Անդրադառնալով այն դիտարկմանը, թե հակասահմանադրական է առանց դատարանի որոշման մարդուն մեկուսացնելը, իսկ դատական գործընթացը կարող է երկար տեւել, Արթուր Աղաբեկյանը նշեց, որ զինվորներին կարգապահական մեկուսարան ուղարկելը չի կարելի դիտարկել որպես ձերբակալություն:

Նա նաեւ նշեց, որ անհրաժեշտ է կարգապահական կանոնադրության մասին օրինագծից հանել այն կետը, որի համաձայն` զինվորն իրավունք ունի չկատարել հրամանատարի հրամանները: «Բանակում հրամանը չպետք է վիճարկվի: Հրամանը պետք է անվերապահորեն կատարվի: Դրանում է բանակի մարտունակության գրավականը»,- ասաց Ա.Աղաբեկյանը: