Սահակաշվիլին` ամերիկյան շան որդի՞

Բելառուսի նախագահ Ալեքսանդր Լուկաշենկոն Washington Post-ին տված հարցազրույցում պատմել է անցյալ տարվա դեկտեմբերին երկրի ընդդիմության ներկայացուցիչների զանգվածային ձերբակալությունների պատճառների մասին և գանգատվել, որ ԱՄՆ-ը և Եվրամիությունը ըստ արժանվույն չեն վերաբերվում Բելառուսին:

Լուկաշենկոն կտրականապես հերքել է այն կարծիքը, որ ինքը դիկտատոր է: Զուգահեռներ անցկացնելով Բելառուսում և Վրաստանում տեղի ունեցած իրադարձությունների միջև` նա ասել է. «Վերջերս Վրաստանում նախագահ Սահակաշվիլին ամենադաժան կերպով ճնշեց ընդդիմության ցույցը: Իսկ դուք շարունակում եք նրա հետ կապ պաշտպանել: Ինչո՞ւ: Որովհետև Սահակաշվիլին ձեր շան որդին է»:

Այնուհետեւ Լուկաշենկոն հավելել է. «Ասեք ամերիկացիներին, որ մենք նրանց մասին մեծ կարծիք ունենք եւ երբեք չենք խոչընդոտի նրանց` Բելառուս այցին»: