Համեստությունից չի մեռնի

«Ընդդիմությունը չունի ինտելեկտուալ կարողություններ, որպեսզի կարողանա վերլուծել մեր աշխատանքները եւ դրանով իսկ պահանջել կառավարության հրաժարականը». ՀՀ վարչապետ Տիգրան Սարգսյանի` այսօր կառավարության նիստի ժամանակ հնչած այս մտքին ի պատասխան` Լեւոն Զուրաբյանը հիշեց մի ասացվածք. «Ոչ մի բան Աստված այդքան արդար չի բաշխել, ինչքան խելք»:

«Խելքը միակ բանն է, որ Աստված արդարացի է բաժանել: Ոչ ոք չի բողոքում իր խելքից, ու ամենաինտելեկտուալ են իրենց համարում այն մարդիկ, ովքեր ամենից հիմարն են»,- նշեց նա:

Իսկ հարցին, թե ինչո՞ւ կոնկրետ չի պատասխանում, Լ. Զուրաբյանը, իրեն համեմատելով Աստծո որդու հետ, ասաց. «Դուք տալիս եք հարց, ես պատասխանում եմ: Կարող է` առակով էլ պատասխանեմ, Հիսուս Քրիստոսն էլ կոնկրետ չէր պատասխանում»: