Միխայիլ Գորբաչովը նշում է իր հոբելյանը

Այսօր լրանում է ԽՍՀՄ առաջին եւ միակ նախագահ Միխայիլ Գորբաչովի 80ամյակը:

«Լինելու է անձնական, ընտանեկան ու բարեկամական հանդիսություն»,- հայտնել է հոբելյարը:

Միջոցառմանը հրավիրվել են ոչ միայն բարեկամները, այլեւ պետության առաջին դեմքերը: «Բոլոր ղեկավարներին հրավիրել եմ` ամենագլխավորներին»,- հայտարարել է Գորբաչովը:

Հոբելյանի նախօրյակին Հասարակական կարծիքի ուսումնասիրման համառուսաստանյան կենտրոնը հարցում է անցկացրել, թե ՌԴ քաղաքացիներն ինչպե՞ս են վերաբերվում այդ քաղաքական գործչին, ի՞նչ ձեռքբերումներ եւ սխալներ են վերագրում նրան: Գորբաչովից նյարդայնացողների թիվը նվազել է՝ 20%: Միաժամանակ, նվազել է նաեւ համակրողների եւ հարգանք տածողների թիվը` համապատասխանաբար 5% եւ 10%: Առաջին պլան է մղվել անտարբերությունը քաղաքական գործչի հանդեպ՝ 47%: