ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Զապասով էին լափում

Բանից պարզվում է` Սերժ Սարգսյանը հրահանգ է տվել վերանայել գազի սակագներն այնպես, որ սոցիալապես անապահովների համար գազը նույնիսկ էժանանա, մինչդեռ  ֆինանսների նախարարը հայտարարում է, որ սուբսիդավորման անհրաժեշտություն չկա, բյուջեում էլ նման գումարներ նախատեսված չեն:

Երբ համադրում ենք այս երկու փաստերը, տարօրինակ բան է ստացվում: Փաստորեն, Սերժ Սարգսյանը հանդիպել է (կամ հանդիպելու է) «Հայռուսագազարդի» ղեկավարության հետ ու կարճ-կոնկրետ ասել. «Հըլը մի հատ ձեզ հավաքեք, արա', չեք տեսնո՞ւմ գլուխներս խառն ա, լափելու վախտ ե՞ք գտել»:

Այն, որ Հայաստանի բնակչությանը գազ վաճառող ընկերությունն իսկապես աշխարհում «ամենահաբռգածն» է, բոլորը գիտեն, եւ հենց այնպես սակագների իջեցման հնարավորությունը դրա լավագույն ապացույցն է: Փաստորեն, տարիներ շարունակ սրանք լափել են, ու այնպիսի «զապասով» են «գին կրակել», որ հիմա կարող են շատ հանգիստ, առանց սուսիդավորման նվազեցնել սակագները:

Ի դեպ, հետաքրքիր է, իսկ լափված միլիարդները «վազվրատ անելու» մեխանիզմներ չկա՞ն: