"Ցասման օր"` Իրաքում

Իրաքում ժամ առ ժամ ընդլայնվում են բողոքի ակցիաների մասշտաբները:

Բաղդադում եւ այլ քաղաքներում անցկացվող «ցասման օրը» ուղեկցվում է բռնություններով: Բաղդադում ցուցարարներն անցել են ոստիկանության արգելապատնեշները եւ գրավել կենտրոնական հրապարակը:

Ինչպես տեղեկացնում է արբանյակային «Ար Ռաֆիդեյն» հեռուստաալիքը, զինվորականները Մոսուլում կրակ են բացել ցուցարարների վրա: Սպանվել է 13 մարդ: Սակայն երիտասարդությանը հաջողվել է գրավել նահանգապետի պալատը:

Զենք է կիրառվել նաեւ Ռամադիում եւ Էլ Ֆալուջայում, որտեղ երկրորդ շաբաթն է սուննիներն են բողոքում. կան զոհեր ու վիրավորներ: Նման իրավիճակ է նաեւ Քիրկուկում:

Բասրայում եւ հարավային քաղաքներում ցույցերը սկսվել են այսօրվա աղոթքից հետո: