Մենք պատրաստ ենք պատերազմել Թուրքիայի հետ. Հունաստանի ՊՆ ղեկավար

Հունաստանի ազգային պաշտպանության նախարար Նիկոս Պանայոտոպուլոսը հայտարարել է, որ իր ինքնիշխան իրավունքները պաշտպանելու համար Հունաստանը պատրաստ է ամեն ինչի, ներառյալ Թուրքիայի դեմ ռազմական գործողությունների՝ «սադրանքների» դեպքում: Հույն ախարարն այս մասին հայտարարել է թուրքական STAR TV-ին:

«Վերջին ժամանակներում Թուրքիայի պահվածքը բավականին ագրեսիվ է: Ես հավատում եմ, որ Հունաստանի կողմից նման վարվելակերպի հաղթահարման միակ ճանապարհը, որը, ընդհանուր առմամբ, ագրեսիայի հակում ունի, մի կողմից՝ իր բոլոր դիվանագիտական զենքերն օգտագործելն է, իսկ մյուս կողմից ՝ Զինված ուժերի զսպիչ ուժը մեծացնելը», - նշել է Պանայոտոպուլոսը:

Հարցին, թե Հունաստանը պատրաստ է հակամարտության ռազմական լուծմանը, ինչպես ասել է վարչապետի խորհրդականը, Պանայոտոպուլոսը պատասխանեց. «Այո՛, ճիշտ է»:

«Նա ասել է, որ մենք պատրաստվում ենք ցանկացած իրավիճակի: Իհարկե, հնարավոր ամեն ինչ ներառում է նաև ռազմական մասնակցություն: Մենք դա չենք ուզում, բայց ուզում ենք հասկացնել, որ ամեն ինչ անելու ենք, որպեսզի հնարավորինս պաշտպանենք մեր ինքնիշխան իրավունքները», - ասել է նախարարը:

Օրեր առաջ թուրքական կառավարական թերթը հրապարակել էր հունական կղզիների հարևանությամբ գտնվող տարածքում թուրքական պետական նավթային ընկերության կողմից ածխաջրածինները հետազոտելու և արդյունահանելու լիցենզիայի համար լիցենզիա ստանալու հայտերը: Երկուշաբթի Հունաստանի արտաքին գործերի նախարար Նիկոս Դենդիասը հայտարարել էր, որ Թուրքիան փորձում է յուրացնել Հունաստանի ինքնիշխան իրավունքները Հունաստանի տարածքներում նավթի և գազի հետախուզման լիցենզիայի տրամադրումը սադրանք է համարել: Հունաստանի վարչապետ Կիրիակոս Միցոտակիսը հունիսի 3-ին նամակ է հղել Եվրամիության ղեկավարությանը ՝ «թուրքական սադրանքների» կապակցությամբ:

Հունաստանը հայտարարեց, որ Թուրքիայի կողմից հնարավոր էսկալացիան կհանգեցնի ոչ թե հույն-թուրքական, այլ թուրքական-եվրոպական ճգնաժամի:

Մինչդեռ, նախօրեին, Թուրքիայի նախագահ Ռեջեփ Թայիփ Էրդողանը Անկարայում Լիբիայի ազգային համաձայնության կառավարության ղեկավար Ֆայեզ Սարաջի հետ համատեղ մամուլի ասուլիսում հայտարարել էր, որ Թուրքիան և լիբիական ԱՀԿ- ը մտադիր են Միջերկրական ծովում նավթի և գազի հանքավայրերի հետախուզման և մշակման աշխատանքներ իրականացնել: