ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ Գառնիկ Իսագուլյանին էլ կլուծարեն

Սերժ Սարգսյանի աշխատակազմում փոփոխություններն ու դիրքավորումները շարունակվում են նորանոր դրսեւորումներ ստանալ: Խոսքը վերաբերում է մասնավորապես Սերժ Սարգսյանի աշխատակազմից կից Քաղաքական հետազոտությունների ինստիտուտին: «Regnews.com» կայքի տեղեկություններով` ինստիտուտը Սերժ Սարգսյանի նախկին խորհրդական, այժմ ԱԺ-ում Սարգսյանի ներկայացուցիչ Գառնիկ Իսագուլյանի մտահղացումն է, գործում է վերջինիս պատրոնաժի եւ Հովհաննես Ասրյանի անմիջական ղեկավարությամբ: Կայքի տեղեկություններով, Սերժ Սարգսյանի աշխատակազմի ղեկավարի տեղակալ Միքայել Մինասյանի նախաձեռնած լայնածավալ ու արմատական փոփոխությունների ճանապարհին վերը հիշատակված ինստիտուտը հայտնվել է լուծարման շեմին: Որպես հնարավոր հանգուցալուծում քննարկվում է այդ ինստիտուտի միաձուլումն Արա Սաղաթելյանի ղեկավարությամբ գործող` Սերժ Սարգսյանի աշխատակազմի հանրային կապերի եւ տեղեկատվության կենտրոնի հետ` հաստիքների մասնակի հաշվանցմամբ: