«Մուսուլմանները չեն սպանում»

Որոշ ժամանակ առաջ Թուրքիայի վարչապետ Ռեջեբ Թայիբ Էրդողանը հայտարարեց, թե «մահմեդականները ցեղասպանություն կատարելու ընդունակ չեն», նաեւ` «մահմեդականները ահաբեկիչներ չեն»:

Մոսկվայի Դոմոդեդովո օդանավակայանում տեղի ունեցած ահաբեկչությունից օրեր առաջ Թուրքիայի վարչապետը մի ցուցակ ներկայացրեց, որտեղ պարզաբանում էր, թե մուսուլմանները էլ ինչ չեն կարող անել:

Բայց այս անգամ նա հանդես եկավ նոր մեկնաբանություններով, թե «Ովքեր սպանում են, մուսուլման չեն»: Այս մեկնաբանությունը, սակայն, հակասում է Ղուրանի ուսմունքին, որտեղ ասվում է, որ «մահկանացուները իրավասու չեն որոշելու, թե ով է մուսուլման և ով չի (Միայն Ամենազոր Ալլահը գիտի)»:

«Մուսուլմանները չեն սպանում» արտահայտությունը այնքան ճշգրիտ է, որքան «Բոլոր մուսուլմանները մարդասպան են»:

Բայց եկեք լավատես լինենք և ենթադրենք, որ պարոն Էրդողանը, ով լավ հռետոր է, դժվարացել է մտքերը ճիշտ արտահայտել: