Ընդդիմությունն ազգային հարստություն է

Լիբերալ կուսակցության նախագահ Հովհաննես Հովհաննիսյանը 2010թ. համարում է հերթական անգամ զուր կորցրած տարի:Վերջինս կարծում է, որ այսօրվա իշխանությունների վարած քաղաքականությունը բացահայտ կողոպուտ է սեփական ժողովրդի հանդեպ:

«Ամոթ է, որ ունենք նման նախարարներ եւ պատգամավորներ: Ո՞վ է ծնել վերջիններիս ինստիտուտը: Իսկ մեր ընդդիմությունը ազգային հարստություն է, որի նմանը չունի ոչ մի պետություն»,-ասաց պարոն Հովհաննիսյանը:

Կուսակցության նախագահը կարծում է, որ իշխանության հետ կոալիցիայի համագործակցության եզրեր գտնել հնարավոր է այն առումով, որ իրենք կարող են նստել եւ բացատրել իշխանության ներկայացուցիչներին, որ երկիրը մինչեւ վերջ չքանդեն ու հեռանան:

«Պատահական մարդուն փողոցից բռնում` դարձնում են նախարար, հետո հանում եւ ուրիշ մի պատահականի են պաշտոն տալիս: Չեն հասկանում` երկիրը չի դիմանա նոր մարտի 1-ի»,-ասաց Հ. Հովհաննիսյանը: