Մեղմացվել են Ասանժին ազատ արձակելու պայմանները

Այսօր Լոնդոնի Բելմարշ դատարանում կեսժամանոց լսումներ են սկսվել, որոնց ժամանակ դատավորը մեղմացրել է գրավի դիմաց Wikilieaks-ի հիմնադիր Ջուլիան Ասանժին ազատ արձակելու պայմանները: Այժմ Ասանժը պարտավորված չի լինելու իր քայլերի համար ամեն օր հաշվետվություն տալ ոստիկանությանը:

Ասանժին Բրիտանիայից Շվեդիա տեղափոխելու վերաբերյալ լսումները սկսվելու են փետրվարի 7-8-ին:

Ավելի վաղ հայտարարվել էր, որ Վեսթմինսթեր շրջանի դատարանից նրանց ազատ էին արձակել 250 հազար ֆունտ ստերլինգ գրավի դիմաց եւ այն պայմանով, որ նա պետք է ներկա գտնվեր հունվարի 11-ի դատավարությանը:

Դեկտեմբերի կեսերին նա ինքնակամորեն հանձվել էր բրիտանական իշխանություններին: Շվեդիան պահանջում է հանձնել Ասանժին, քանի որ նրա դեմ բռնաբարության մեղադրանք է առաջադրվել:

Ասանժը Wikilieaks-ը հիմնադրել է 2006 թվականին: Սակայն այս նախագիծը հայտնի է դարձել 2010 թվականին, երբ աֆղանական պատերազմի մասին մոտ հազար գաղտնի փաստաթուղթ բացահայտվեց: Դրանք հիմնականում վկայություններ էին աֆղանական խաղաղ բնակչության սպանությունների մասին:

Այս մասին հաղորդում է Reuters-ը: