|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Թուրքիայում 10 տարվա բանտարկության ժամկետը լրանալուց հետո ազատ արձակված Հըզբոլլահի բարձրաստիճան պաշտոնյաները կազմակերպությունը ղեկավարել են Դիարբեքիրի բանտից` ինտերնետի միջոցով:
Թուրքական խորհրդարանի մարդու իրավունքների պաշտպանության հանձնաժողովի անդամ Մալիք Էջդեր Օզդեմիրն ասել է, որ նրանք երկար ժամանակ կազմակերպության հետ հաղորդակցվել են: «Ինտերնետի միջոցով կազմակերպություն են ղեկավարել»,- պնդել է նա:
Թուրքական «Միլլիեթ» պարբերականի փոխանցմամբ` թուրք ընդդիմադիր պատգամավորն ասել է, որ մինչ այս իրենց ուսումնասիրած 30 բանտերում նման նախադեպ չի եղել եւ անգամ բանտարկված լրագրողները նման հնարավորություն չեն ունեցել:
«Մինչեւ հիմա մեր ուսումնասիրած քրեակատարողական հիմնարկներում դատապարտյալներին ինտերնետի հնարավորություն չենք տեսել: Բայց Դիարբեքիրի բանտի տնօրենը մեզ տված ճեպազրույցի ընթացքում ասաց, որ Հըզբոլլահի 4 անդամի ինտերնետ է տրամադրվել»: