Մեդվեդեւը, Շվարցնեգերը եւ Twitter-ը

Այս տարվա առաջին օրերին Կալիֆորնիայի նահանգապետ Առնոլդ Շվարցնեգերը եւ Ռուսաստանի նախագահ Դմիտրի Մեդվեդեւը Twitter-ում խոսքուզրույց են ունեցել:

Մեդվեդեւը Շվարցնեգերին հաջողություններ է մաղթել նահանգապետի պաշտոնը թողնելուց հետո նոր սկսվող կյանքում, իսկ Շվարցնեգերն էլ նրան առաջարկել է միասին դահուկներ քշել:

«Հույս ունեմ, որ հրաշալի եք դիմավորել Նոր տարին: Չեմ համբերում, թե երբ ենք նորից հանդիպելու, եւ, միգուցե, դահուկ քշելու»,- երեքշաբթի օրը գրել է Շվարցնեգերը` ի պատասխան Մեդվեդեւի ջերմ բարեմաղթանքների:

Այնուհետեւ Մեդվեդեւը խոստացել է, որ դահուկներով սահելու համար անպայման ժամանակ կգտնի:

Մեդվեդեւն ու Շվարցնեգերը Twitter-ում ընկերացել են դեռեւս նախորդ տարվա հոկտեմբերին, երբ նախկին նահանգապետը այցելել էր Մոսկվա:

Այս մասին գրում է «Ինտեռֆաքսը»: