Ուղեցույց` Հայաստանում բիզնես սկսողների համար

«Ինչպե՞ս սկսել սեփական բիզնես Հայաստանում» ուղեցույցը  փոքր եւ միջին բիզնես սկսողների համար է: Այն մշակվել եւ հրատարակվել է Բիզնեսի աջակցման կենտրոնի (BSC) կողմից:

Գրքում ներկայացված են բիզնես սկսելու եւ կազմակերպելու գործիքները, աշխատանքի ընթացքում  ենթադրելի դժվարությունները եւ թե ինչպես կարելի է հաղթահարել դրանք:

Ինչպես նշեց կենտրոնի տնօրեն Սամվել Գեւորգյանը, գրքում ներառված է շուրջ 50 ոլորտի տիպային բիզնես պլանների օրինակելի ձեւեր: Սա կօգնի, որպեսզի բիզնեսի ղեկավարը ինքնուրույն կազմի եւ մշակի իր բիզնես պլանը, տեղյակ լինի ողջ գործընթացից:

Հայաստանի գործատուների միության նախագահ Գագիկ Մակարյանն ասաց, որ այս գրքից օգտվելու արդյունքում փոքր եւ միջին բիզնեսի ղեկավարները կկարողանան կրճատել իրենց ծախսերը: Ոչ բոլորը հնարավորություն ունեն բիզնես-խորհրդատվության համար վճարել:

Նշենք, որ գիրքը վաճառվելու հայաստանյան գրախանութներում եւ արժեքը 3900 դրամ է: